(galego) Comunicado acceso do público ao pavillón

Disculpa, pero esta entrada está disponible sólo en Gallego. For the sake of viewer convenience, the content is shown below in the alternative language. You may click the link to switch the active language.

Estimado Soci@ e afeccionad@ :

Sabíamos que esta tempada sería unha das máis difíciles para o club Bueu Atlético Balonmán,non só polas dificultades técnicas e económicas que estamos afrontado, senón tamén polas decisións difíciles que temos que tomar como entidade.

A evolución desfavorable da crise sanitaria provocada pola Covid-19 obríganos a adoptar tódalas medidas de seguridade que sexan necesarias, co único obxectivo de velar pola saúde de tódolos participantes na práctica e desfrute do noso deporte.

A Consellería de Sanidade da Xunta de Galicia na orde do 21 outubro de 2020 adoptou, entre outras, unha serie de medidas para regular a celebración de eventos deportivos, de adestramentos e de competicións deportivas con público nas instalacións deportivas de Galicia.

De acordo a esta orde, o aforo máximo permitido no Pavillón Pablo Herbello de Bueu limítase a un máximo de 60 persoas, coa posibilidade de ampliar o límite indicado ata un máximo de 100 persoas, previa solicitude do Clube Bueu Atlético Balonmán, como organizador do evento, e logo da autorización da Dirección Xeral de Saúde Pública, atendendo ás concretas medidas organizativas e de seguridade propostas e aos riscos de contaxio.

Ante estas novas circunstancias, a xunta directiva do club Bueu Atlético Balonmán adopta as seguintes decisións e criterios para tódolos encontros organizados pola nosa entidade :

1. Só poderán acceder ás instalacións como publico aquelas persoas que teñan a condición de socio/a do club, é dicir, que renovaran o seu carné para a tempada 2020/2021.
2. Só poderán acceder ao pavillón aquelas persoas que reservaran a súa praza e presenten o carné de socio no momento de entrar ao pavillón.
3. Para obter a autorización do club e reserva da praza será necesario cubrir un formulario na páxina web do club, rexistrando os datos persoais e indicado o partido ao que se quere asistir.
4. Só se poderán reservar as prazas dende o mércores as 8:00 horas ata o xoves as 18:00 horas da mesma semana de celebración do encontro.
5. Entre tódalas persoas que fixeron a reserva, e para cumprir estritamente co aforo máximo, establécense os seguintes criterios :
   i. Orde de rexistro da reserva.
   ii. Prioridade a aquelas persoas que non asistiran previamente.
   iii. Antigüidade do socio/a.
6. A aquelas persoas autorizadas enviaráselles un correo coa confirmación da reserva da praza.

Nos próximos días informarase do protocolo de acceso ao pavillón e da normativa a seguir para desfrutar do encontro con seguridade. Aínda que a xunta directiva é consciente do alto grao de responsabilidade dos socios, fai un chamamento a extremar ao máximo posible o cumprimento de ditas normas.

Aqueles socios que non retiraran o seu carné poderán facelo os xoves na oficina do Pavillón Pablo Herbello, en horario de 19:30 a 20:00 horas, previa cita chamando o numero 654 728 661( a partir das 19:00) .

Dende o club entendemos que dita decisión pode prexudicar a algúns dos nosos socios e afeccionados, pero pedimos comprensión ante a complicada situación que vivimos e que afecta a todos os ámbitos da nosa sociedade.

Noso maior desexo é recuperar a normalidade e poder contar con tódolos nosos socios e afeccionados no noso pavillón desfrutando do que máis nos gusta “o balonmán”.
¡Bueu con forza !